مراتي بنت العشر سنين

بعد الجواز كل البلاوي و المصايب بتبان و تظهر لكن الغريب اللي ممكن تشوفه ان تلاقي مراتك طفلة !! ايوة مراتي طلفة مستغرب ليه و عندها عقدة من حاجات كتيرة و الأنأح فوبيا !! ليا الجنة

الضلمة وحشة

انا و اعوذ بالله من كلمة انا مش بعرف انا غير و النور مقفول الاقي المدام في اول يوم في عش الزوجية انها بتخاف من الضلمة و مينفعش تنام في الضلمة عشان بتخاف ،طب يا بنتي انا جمبك متخفيش جربي كدة طيب اطفي النور و تعالي جمبي و برده ابدا مفيش فايدة قولت اعدي اول يوم يمكن تكون عادي يعني مكسوفة مني ، عادي البنات دول بيبقي عليهم حاجات تشل الواحد ساعات. المهم يوم بعد التاني مبقتش انا بنام ومراتي نايمة و بتشخر و مينفعش كدة استحملت لحد شهر العسل و فضلت المشكلة مستمرة.[clear]

فوبيا بالجملة

طبعا الضلمة وحدها مكنتش هي المشكلة، لأ دي عندها فوبيا من كل حاجة الاماكن المغلقة و الاماكن اللي مش مفلقة، المرتفعات و المنخفضات ، مبتفتحش التلاجة خايفة تتكهرب لدرجة اني زهقت و مليت من الشغل ده و كأني متجوز طفلة عندها عشر سنين لا يمكن تكون دي بنت كبيرة و فاهمة و عارفة بتعمل ايه و بجد تعبت.

حسد الصحاب

قعدت مع اصحابي علي القهوة و قلت افضفض باللي جوايا يمكن الاقي حل للمشكلة العويصة اللي انا فيها دي لأنهم متجوزين و عندهم خبرة اكيد و ممكن يكون حد عدت عليه المشكلة دي و حلها. بعد ما خلصت حكي لقيت كل أصحابي بدأو الحسد و يبصولي بأستغراب وبوصف مراتي انها رقيقة و بسكوتة و نعمة و حرام ترفسها برجلك ، ده احنا بيحصل فينا كتير و مستحملين دي فرصة و جتلك انك تعيش حياتك مع الانسانة البريئة دي من غير اي ضغوط ولا اي حاجة كمل يبني ده انت تبقي غبي لو عاوز انها تتغير طبعا حمدت ربنا علي النعمة دي و عشت معاها احلي ايام .[clear]

بعد سنتين بقيت بطلب منها متقفلش النور عشان بخاف من الضلمة ….