mo22 مجلة للرجال على الانترنت موجهة إلى الرجل العربي
ناجي عطا الله و الصفعة مأثرين اوي في مراتي لدرجة انها تقمصت الشخصية الجاسوسية بشكل غريب لدرجة انها لو مثلت دور في اي مسلسل من دول هتاخد اوسكار.
مراتي وحملة تفتيش بعد نص الليل
كل يوم بعد ما بنام مراتي بتبدأ دوريتها و حملة تفتيشها بتدأ بالهدوم اللي كنت خارج بيها و هو البنطلون اللي متعلق علي الشماعة تفتش في جيوبه و تعد اتبقي معايا فلوس كام و تقارن الفرق بالتقرير اللي اخدته مني من اسئلتها او ما رجعت البيت، تاني حاجة بتعملها تمسك القميص و تشمشم فيه و تدور علي اي اداة لجريمة الخيانة عشان تحرزها و تبدأ التحقيق معايا اخر حاجة بتعملها بقي عشان تكون خلصت خلاص و تقدر تنام مرتاحة هي الموبايل انها تشوف كل الارقام و الرسائل اللي عليه عشان تطمن و يرتاح بالها و متبقاش قلقانة مع انها بردو بعد كل ده بتبقي شاكة ان في حاجة و اني بخونها مش عارف ليه .
مراقبة بعد شك يقيني
في يوم مراتي لقت في قميصي شعراية حريمي طبعا صرخت و صحيت من النوم مفزوع و هي في ايدها القميص محرزاه و انا بقولها في ايه قالتلي ايه الشعراية دي و مسكالي العدسة المكبرة و بتبحلق في الشعرة اوي. قلتلها معرفش يمكن منك و لا من اي حد جت من الهوا و قعدت اقنع فيها و في الاخر مقتنعتش و لكنها حبت تعمل انها مقتنعة و انا قولت في نفسي اكيد في مصيبة ورا الاقتناع ده. المهم نمنا و الصبح نزلت عشان اروح شغلي جت ورايا عشان تراقبني و تشوف انا رايح فين و فضلت ماشية ورايا بذكاء و حنكة حتي وصلت للشغل و طلعت و روحت البيت لقت مراتي داخلة ورايا و هي بتحضني و بتعتذرلي عشان هي ظلمتني و انا اتخانقت معاها خناقة كبيرة لكنها صالحتني و عملتي احلي غدا و اخيرا اكمنت و وثقت فيا.[clear]
