mo22 مجلة للرجال على الانترنت موجهة إلى الرجل العربي
هيفاء والمدام
مراتي بعد ما تخنت و ربربت و فشلت في كل رجيم كانت بتعمله بالعكش كانت بتتخن اكتر و بعد ما كانت كائن رقيق سيمباتيك بقت كائن مبعثر متوحش قررت انها تبقي هيفا..
عمليات التجميل هي الحل
مراتي نفسها تبقي هيفاء و هيفاء بالذات لأني من اشد المعجبين بهيفاء فحبت يعني تبقي زيها عشان تملي عيني قلتلتها انتي مش شايفة نفسك بذمتك في حد بحجمك كدة و ميملاش عين الشمس حتي , لكنها اصرت برده انها عاوزة تعمل نيو لوك و قال ايه طلبت مني اني اعملها عمليات تجميل , فكرت مع نفسي ان عمليات التجميل غالية اوي و علي ايه و نسبة نجاحها مع واحدة زي دي ضعيفة اوي ففكرت شوية قلت طب ما تعمل العملية يمكن بجد تبقي حلوة يأما تفشل و تروح فيها و تبقي من عند ربنا بس المشكلة لو فشلت و بقت عايشة بردو بس خلاص اتفقنا
تحويشة العمر
اخدت تحويشة العمر عشان تغير اللوك بتاعها و تبقي زي ما بتقولي هيفاء المهم دخلت غرفة العمليات و الدكتور اخذ 10 ساعات فيها طبعا دي عايزة تتفجر بعد كدة تتبني من جديد المهم طلع الدكتور قالي ممنوع الزيارة ان شاء علي بكرة هتخرج و تبقي تمام قلت الله يطمنك يا دكتور بس هي هتبقي هيفاء هيفاء يعني مش تايواني بصلي الدكتور بقرف و سابني و مشي تاني يوم روحت و المفاجأة انها بقت حاجة تانية خالص انا معرفتهاش و بقيت بحسد نفسي عليها دي بجد هيفاء تحويشة العمر مرحتش هدر.
يا عمليات غدارة
بعد كام يوم بقت مراتي تخرج كتير و تسبني لوحدي في البيت مع العيال و مبقتش عارف اقولها بم شافت نفسها و جالها شغل موديل في الاعلانات بقي بنت نوفل دي تبقي موديل و انا اقعد بالعيال طبعا قولتلها يانا يا الاعلانات و عملت يكلمة الرجل الشرقي لو مشيتي من البيت ده و روحتي للأعلانات تبقي طالقة بالتلاتة …
