mo22 مجلة للرجال على الانترنت موجهة إلى الرجل العربي
قسمة ونصيب
كل الرجال بتحب و بتحب انها تحب و انا منهم لكن في وقت تلاقي نفسك مش لاقي حد تحبه و مش حكاية انك مش لاقي الشخص المناسب الموضوع ان ……
من بعد فراق حبيبتي
بعد ما سبت خطيبتي او بلغة العصر فركشت بعد قصة حب استمرت 4 سنين ،يعني مش قليلين يعني طبعا سبنا بعض بعد مشاكل كتيرة و خناقات كبيرة من الغيرة و الأنانية و حب النفس و عدم التوافق و انها كانت انسانة متستهلنيش و لا تنفع تبقي مع واحد زيي، لأنها انانية و مصلحجية و كل حاجة .. مش بحب اجيب سيرة حد الصراحة ، المهم بعد قصة حب سيبتها و من بعدها و انا مش لاقي حد قدامي مش حكاية اني مش قادر انساها و الرومانسية السينمائية دي لأ، لأن بكل بساطة انا كل اللي اعرفهم كانوا ليهم سابقة معايا و حبيبتي دي اصحابها بعدوا عني عشان يجاملوا صاحبتهم فعلا عادات و تقاليد.[clear]
صاحبة خطيبتي
فوجئت في يوم ان في واحدة صاحبة حبيبتي اللي سبتها دي بدأت تسأل عليا بأستمرار مع اني كنت مش بتكلم معاها كتير او علي صلة كبيرة بيها و انا مع حبيبتي السابقة، و طبعا خرجنا مع بعض كتير و الكلام الحلو ده كلو و فعلا لقيت فيها انها احسن من حبيبتي القديمة بكتير و العيوب اللي كانت فيها بذات لقتها مش فيها و ده خلاني مبسوط اوي و قلت خلاص لقيتها هي دي.[clear]
مش ممكن !!
خلاص بعد ما حبيتها و خلاص العلاقة بدأت في الجد فوجئت بحاجة متخطرش علي بالي و لا علي بال اي حد انها تبع صاحبتها ،و قال ايه بتربيني و طبعا اتفقوا مع بعض انها تربيني و طبعا هي مستفيدة هدايا و خروجات علي حسابي ،و انا ابله و مش حاسس بحاجة طبعا حضرولي المفاجأة دي يوم عيد ميلادي لما لقيتهم هما الاتنين ماسكينلي التورتة و رموها في وشي فعلا البنات دي ملهاش أمان و ارجع و اقول اهه قسمة ونصيب.
