mo22 مجلة للرجال على الانترنت موجهة إلى الرجل العربي
انتشر التوك توك في مصر في الفترة الاخيرة و بالأخص في المناطق الشعبية و المناطق النائية برغم انه بيسهل نقل المواطنين لكنه بيعمل ازمة كبيرة في المرور و في سلوكيات كتيرة
التوك توك الانتحاري
في كذا نوع للتوك توك و ده بيبقي على حسب السائق فمثلا في التوك توك الانتحاري و هو بيبقي السواق بتاعه عيل صغير بتاع 12 او 13 سنة كدة بالكتير و بيعمل غرز و بيجري و ممكن يطلع بيه على الشارع العمومي، عادي جدا مفيش اي مشاكل مع انه غير مرخص انه يمشي في الشارع العمومي لكن ده يطلع على الشارع العمومي، و ياخد غرز عادي جدا و ممكن يسابق العربيات كمان و يخترقها بطريقة انتحارية غريبة طبعا و انت اللي سايق غصب عنك هتفرمل عشان التوك توك يا عيني مافهوش نفس لو خد خبطة هيتقلب و اللي فيه يروحو فيها.
التوك توك
تلوث سمعي
التوك توك مع انه وسيلة مواصلات لكنه مش بيلوث البيئة بدخانه، لأ ده بيلوث البيئة بأغانيه لأن السواق بيبقي مشغل اغاني شعبي صاخبة و يعليعا على الاخر و انت غصب عنك هتسمع مع انها مزعجها لكن هي عاجباه و اغلب الاغاني دي بيبقي اللي مغنيها سواق التوك توك نفسه و بيخطها على فلاشاية زي ما بيقولوها و يسمع خلق الله اللي ماشيين في الشارع و فكره انه كدة هيشتهر بقي و يوصل للميوزك اوورد.
التوك توك مدرسة
سواقين التوك توك فعلا اثبتولي ان التوك توك مش مجرد وصيلة مواصلات انما هو مدرسة و مدرسة حكيمة جدا كمان بسبب الاقوال المأثورة عن سواق التوك توك زي مثلا الصاحب الناقص بناقص و التقدير خسرنا كتير و مفيش حد صالح كله بتاع مصالح و كمان بيكون زي شجرة العيلة بيكتب عليه افراد اسرته زي مثلا الملكة اميرة و حمادة الجن و كدة و فعلا انا مقدرش اقول حاجة في حق المدرسة العالمية دي ما كان في مدرسة ابوللو يبقي مفيش مانع لو في مدرسة التوك توكو.
