البورصة ومراتي اخوات

البورصة زي مراتك بالظبط لو دخلتها متعرفش تخرج منها و لا تسيبها و مهما كسبت لازم تخسر في الاخر، لكن لما هما الاتنين يجبولك مصايب يبقي عليك العوض يا راجل

وجه الشبه بين مراتي و البورصة

طبعا لو بصينا في النقاط المتشابهة بين البورصة و الزوجة. اولا ان الاتنين مؤنث دي اول حاجة، تاني حاجة الاتنين صعب اوي انك تيبهم واحدة ادمان و التانية اكراه و مهما كسبت من وراهم لازم في الاخر هيجي اليوم و تخسر ده شيء طبيعي مهو اتنين ملهمش امان البورصة و الستات، الاتنين هيجبوك ورا بس انت بس قول يا رب و متقطعش برزقك و متحاولش تهرب او تنفي الشبه و اوجه التشابه ما بينهم، لأنك لو دورت علي اوجه اختلاف مش هتلاقي غير ان مراتك ممكن تطبخلك بس اراهنك انها هتذلك في الأخر.[clear]

مكاسب مراتي و البورصة

زي ما طبعا الستات و البورصة بيخسروك حاجات كتير بردو بيكسبوك حاجات مينفعش ننكرها و لازم نوضح عطائهم الجياش ده و بذات المرأة عشان ميزعلوش مننا و يقولو اننا زي القطط بناكل و ننكر فطبعا البورصة و الزوجة بنكسب منهم امراض الضغط و ده بسبب الحاح المرأة و القرارات المستفذة زي ما البورصة بتنزل فجأة و تطلع بمزاجها، و امراض القلب زي مثلا لما تبقي عشرة عمر مع مراتك و فجأة تطلب منك تطلقها زي البورصة بردو لما تحط فيها تحويشت عمرك و فجأة تروح كلها و اهم مرض و هو صديق الضغط اللي لسة كنا قايلين عليه و هو السكر ، و ده لازم يجيلك من البورصة او الزوجة كم كتر التوتر و القلق و النرفزة و الخنقة فلازم يجيلك الامراض دي عشان بس نكون حقانيين.[clear]

يا مراتك يا البورصة

بص قبل ما تعمل فيها راجل اعمال و ماسكلي لاب توب مهو يأما تستغني عن مراتك و ده احسن، و يأما تستغني عن البورصة لأن الاتنين مع بعض يبقي انتحار و انا خايف عليك و الله لأنا هروح اتجوز مراتك بعد مطلقها و لا هشتري اسهمك اللي هتبعها كل واحد فيه اللي مكفيه.

و تبقي الزوجة و البورصة متحدين ضد رجال العالم …